Pasok sina Jericho Rosales, Maris Racal, Carlo Aquino, Will Ashley, Enrique Gil, Alessandra de Rossi, Rico Blanco, Joshua Garcia, at iba pa sa acting category ng 49th URIAN Awards ng Manunuri ng Pelikulang Pilipino.
Nauna nang nanalo sa The EDDYS choice sa kaparehong kategorya sina Jericho, Maris, Rochelle, Rico, at Will.
Kaya nakatutok at inaabangan ng movie fans at casuals kung bet din ng mga manunuri ang pinakita nilang akting sa kani-kanilang pelikula last year.
Inisnab naman ng Gawad Urian si Vice Ganda na nanalong Best Actor sa MMFF last year para sa movie niyang “Call Me Mother” pero pasok sa manunuri sina Earl Jonathan Amaba ng “ImPerfect”, Carlo Aquino (“Bar Boys: After School”) na parehong kinabog ni Meme Vice.
Bukod kina Echo, Earl Jonathan, at Carlo, nominated din sa Best Actor category sina Jomari Angeles (“Some Nights I Feel Like Walking”), Elijah Canlas (“Rumaragasa”), Julian Paul Larroder (“Tigkiliwi”), Jojit Lorenzo (“Habang Nilalamon ng Hydra ang Kasaysayan”), at Miguel Odron (“Some Nights I Feel Like Walking”).
Makakalaban naman ni Maris ng pelikulang “Sunshine” sa pagiging Best Actress sina Krystel Go (“ImPerfect”), Nour Hooshmand (“Cinemartyrs”), Odette Khan (“Bar Boys: After School”), Rissey Reyes-Robinson (“Paglilitis”), Ruby Ruiz (“Tigkiliwi”), Geraldine Villamil (“Republika ng Pipolipinas”), at ang transwoman actress na dating “Goin’ Bulilit” child actor na EJ Jallorina ng pelikulang “Dreamboi”.
Samantala, makabog naman kaya ni Rochelle ng “Child No. 82: Anak ni Boy Kana” sa Best Supporting Actress sina Dolly de Leon (“Habang Nilalamon ng Hydra ang Kasaysayan”), Alessandra (“Republika ng Pipolipinas”), Elora Españo (“Lakambini: Gregoria de Jesus”), Jennica Garcia (“Sunshine”), Gina Pareño (“Lakambini: Gregoria de Jesus”), at Eula Valdez (“Paglilitis”).
Mapanalunan kaya nina Will ng “Bar Boys: After School” at Rico ng “Manila’s Finest” ang Best Supporting Actor award? Mabigat ang mga kalaban nilang sina Joshua (“Meet, Greet, & Bye”), Enrique (“Manila’s Finest”), Amado Arjay Babon (“Magellan”), lain Glen (“Quezon”), at Nanding Josef (“Habang Nilalamon ng Hydra ang Kasaysayan”). (Ogie Rodriguez)