Kinumpirma mismo ni Lea Salonga na naka-unfollow na siya sa Instagram accounts ng mga iniidolong BTS na sina RM at J-Hope.
Ayon kay Lea, para sa mental health daw niya ang ginawang pag-a-unfollow sa dalawang miyembro ng sikat na K-pop boy group.
Ginawa niya ang nasabing desisyon matapos dumalo ang dalawang K-pop superstars sa “The R&B Tour” concert nina Chris Brown at Usher sa Toronto noong August 12.
Kung matatandaan, binanatan sa online world at galit na galit ang fans kina Chris at Usher dahil sa mga kinasasangkutan nilang isyu.
Domestic violence ang kinaso ni Rihanna kay Brown at noong July lang ay na-bash naman nang husto si Usher dahil sa ginawa nitong pamamahiya sa babaeng fan na pinaakyat niya sa stage.
Komento nga ni Lea sa socmed, “Yes I did unfollow, but I did it for my own sake. It’s not meant to be punitive to either of them, at all. But I recognized that I was waking up sad and/or upset, or find myself way too affected. This was unhealthy so l took a step back, for me.”
Dagdag pa ng Pinay award winning singer-actress, “As many fans have rightly pointed out, we are owed nothing really. They are autonomous human beings, but so am I, and whatever decisions I make are mine alone. If I hurt anyone in the aftermath, that isn’t my intention but I’m sorry if I hurt you nonetheless.”
“I am still so grateful for the typhoon they created in my life when they arrived in 2020. I was navigating my marriage ending, raising a teenager, and a global pandemic (not to mention the occasional death threat due to politics). They saved my sanity when I needed saving. I’ll never forget that,” pagtatapos na komento ng Forever Disney Princess.
Samantala, maraming faney ang pumuri kay Lea sa pagkakaroon ng paninindigan at hindi lang siya basta-basta blind follower. Hindi raw kinukunsinti ng international Pinay actress-singer ang maling gawi ng mga kilalang celebs kahit pa idol niya ang mga ito.
‘Yun na! (Ogie Rodriguez)