Sa Instagram post ni Dingdong Dantes nang batiin ng mister ni Marian Rivera si Direk Dominic Zapata ng happy birthday ay nabanggit ng aktor si Bobby Andrews.
Sabi ni Dingdong, “Back then the idea of becoming an actor wasn’t something I seriously imagined for myself. But I wanted to follow in the footsteps of Bobby Andrews, who I thought was the coolest guy on television as Joaquin Torres.”
Ayon kay Bobby, nabasa at nagulat daw siya sa “hanash” na iyon ni Dingdong.
Sabi ni Bobby, “Actually, ‘yun ang maganda sa propesyon namin as an actor. It’s not the fame, it’s not the recognition, but it’s what we do and somehow the difference that we make.
“The fact that at some point in your life, I’ve touched you in some ways, whether kilala kita or hindi.”
Hindi raw nila ito napag-usapan ni Dingdong kahit kailan. Eh kamakailan lang kasi ay magkasama pa sila sa isang Netflix event, pero never ‘yon nabanggit sa kanya ng mister ni Marian.
“I know naman that T.G.I.S. is very influential to him. But with me, of course, it’s very touching. Dingdong is Dingdong. Touching.” nakangiting pahayag niya.
Nang makausap namin si Bobby, somehow na-uplift siya nang makita raw niya ang post na ito ni Dingdong.
Kasi nga, ang maituturing niyang pinakamatalik niyang kaibigan na si Jon Corpuz, asawa ng Viva boss na si Veronique del Rosario, ay pumanaw na.
“Hindi pa, hindi pa talaga ko move on. Parang I would say all my life, we’ve been friends.”
So sumaya nga siya sa pinost ni Dingdong. (Rose Garcia)