Una sa Balita

Zaragosa, Constantino seryoso sa titulo

By
0 619

Pupukpok si former national champion Rupert Zaragosa na sikwatin ang korona sa magaganap na 2018 Philippine Men’s and Women’s Amateur Open Golf Championships na magsisimula ngayong araw sa Ri­viera Golf Club sa ­Silang, Cavite.

Sisikapin naman ni Tom Kim ng Korea na magpakitang-gilas dahil para sa kanya ay gamay nito ang course na gagamitin.

Nais ni Kim na doblehin ang kanyang performance matapos ang seven-stroke setback laban kay Sadom Kaewkanjana sa nakaraang taon, hindi kasali ang Thai nga­yong taon.

Hahataw din sina Aniceto Mandanas at Carl Corpus kasama si Judson Eustaquio na nakipagkampihan kay Tonlits Asistio para hablutin ang korona sa National Pro-Am sa nakaraang Oktubre.

Kalahok pa sina Kristoffer Arevalo, Luis Castro, Aidric Chan, Weiwei Gao, Gab ­Manotoc, Paolo Wong at Don Petil.

Samantala, mapapalaban si Hee Ji Kim ng Korea kontra local ace at 2016 winner Harmie Constantino sa women’s side na desididong mabawi ang trono.