Una sa Balita

‘Yan ang fake news — Makabayan Bloc

By
0 30

Itinanggi ng mga kongresista na kasapi sa Makabayan bloc ang pinalulutang na ideya na mayroong alyansa sa pagitan ng mga grupo ng “makakaliwa” at Liberal Party (LP) na pumuporma diumano para pabagsakin ang gobyernong Duterte.

Ayon sa Makabayan solons, fake news ang diumano’y “left-yellow conspiracy.”

Nilinaw ng mga mambabatas na walang “alliance” o “conspiracy” sa pagitan ng “Red” at “Yellow” forces.

Abante Hiring – IT dep

Bilang katibayan, ayon sa grupo ay bumitaw ang Makabayan bloc mula sa super majority pero hindi naman umano umanib sa Liberal Party bloc na Magnificent Seven.

“The Yellows formed the Tindig Pilipinas and sponsored an activity at the Commission on Human Rights (CHR), did not participate and even discouraged other groups from joining the massive rally at the Luneta by the Movement Against Tyranny (MAT) where BAYAN and the Makabayan bloc participated,” nakasaad sa pahayag ng Makabayan solons.

Dinagdag pa ng grupo na tila naghahabi ng mga kuwento si Pangulong Rodrigo Duterte bilang panimulang hirit sa ikinakasang “crackdown” laban sa mga kritiko at oposisyon.

“It would be better for him to listen to the true voice of the majority of the Filipino people who are now standing up against extra-judicial killings, tyranny, and endemic corruption of the Duterte administration. If not, then Duterte will suffer the same fate as his idol, the ousted dictator Marcos,” babala pa ng grupo.

Ang Makabayan bloc sa Kamara ay binubuo nina ACT Teachers Partylist Rep. Antonio Tinio, Gabriela Women’s Party Rep. Emmi De Jesus, Bayan Muna Party-list Rep. Carlos Zarate, ACT Teachers Party-list Rep. France Castro, Gabriela Women’s Party Rep. Arlene Brosas, Anakpawis Party-list Rep. Ariel Casilao at Kabataan Party-list Rep. Sarah Elago.