Una sa Balita

Xiamen Air gipaningil na sa kapin P72M sa MIAA

By
0 39

Moabot na sa kapin P72 milyon ang bayaranan sa gobyerno sa Xiamen Airlines alang sa purwisyong gihatag niini sa pagsukamod sa ilang abyon sa runway sa Ninoy Aquino International Airport (NAIA) niadtong Agosto.

Matud kini ni Manila International Airport Authority (MIAA) General Manager Ed Monreal sa pagtambong sa pagdungog sa Senate Committee on Public Services.

Kapin na kini sa doble ang kantidad niini sa giingon ni Monreal niadtong Agusto nga P33 milyon ang paninglon sa Xiamen.

Sa pagkaumod sa eroplano sa Xiamen Air niadtong gabii sa Agosto 2018 apektado ang operasyon sa NAIA ug daghang nakansela ug nalangan nga mga domestic ug international flights.

“Umabot na po sa almost P70 milyon. Meron na kaming pinag-uusapan na karagdagang 42 million plus,” matud ni Monreal.

Mobayad hinoun ang Xiamen Air.

Moanhi sa Pilipinas ang mga opisyal sa Xiamen Air sa Septembre 12 hangtud sa 14.