Una sa Balita

Wellmed Dialysis exec gibantayan pag-ayo sa QCPD

0 212

Gibantayan pag-ayo sa mga operatiba sa Quezon City Police District (QCPD) ang buhatan sa Wellmed Dialysis Center and Laboratory Center Corp., subay kini sa mandu ni Presidente Duterte sa National Bureau of Investigation (NBI) nga dakpon ang mga opisyal nga nalambigit sa paggamit og ‘ghost patients’ aron maka-kobra og claims gikan sa PhilHealth.

Matud ni Police Brig. General Joselito Esquivel, hepe sa QCPD, wala pay direktang mandu kanila aron dakpon ang mga opisyal sa Wellmed nga anaa sa Quirino Highway sa Novaliches, QC, ug matud niya nga kung magkinahangkan ug tabang sa NBI, andam silang mopadala og mga operatiba.

Nasayran nga gibutyag ni Philhealth president ug chief executive officer Dr. Roy Ferrer, nga ilang nasayran nga padayun lang gihapon nga nangayog claims ang WellMed alang sa dialysis sessions sa mga pasyente na nga giingong patay na.

“In relation to this case, the corporation have filed 28 counts of administrative cases for claims for non-admitted, treated patients, misrepresentations by furnishing false or incorrect information and breach of warranties of accreditations, performance, commitment against the mentioned dialysis center,” pamahayag ni Ferrer.

Tungod niini misang-at ang tagdumala sa Philhealth og mga reklamo batok sa posibleng kalambigitan sa pipila ka doktor sa anomalya ug gidayeg usab ni Ferrer ang mga “whistleblower” nga mibutyag aron mabulgar ang maong anomalya.

Nasayran nga ang matag miyembro sa Philhealth adunay hangtud sa 90 ka adkaw nga libreng dialysis session sulod sa usa ka tuig.

Una na nga gipanghimakak sa mga opisyal sa tambalanan ang mga alegasyon bisam paman sa paglutaw sa kanhi kawani ug mipamatuod sa giingong ghost patients. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy