Una sa Balita

Walay sapot nga ginang nakit-ang patay sa Caloocan

0 380

Walay sapot nga lawas sa usa ka 42-anyos nga ginang ang nakit-ang napuno sa dinunggaban sa sulod sa ilang panimalay sa Caloocan City, Lunes sa gabii.

Matud ni Caloocan police chief P/Col. Noel Flores, nga mga alas-7:30 sa gabii nakit-an ni Banjamin ang wala nay kinabuhi ug walay sapot nga lawas ni Florinda De Villion, 42, nga naligo sa kaugalingong dugo sa sulod sa ilang panimalay sa Brgy. 31 human gihatud niini ang iyang apo sa balay sa iyang inahan.

Nasayran nga nag-inusara lang ang biktima sa ilang balay dihang nahitabo ang insidente tungod kay mi trabaho ang iyang live-in partner nga si Abe Pecayo samtang anaa sa tunghaan ang ilang mga anak.

Matud ni Col. Flores, mga alas-dos sa kadlawon sa , Oktubre 8, 2019, dihang nasikop sa follow-up operation sa Libertad St. Pasay City sa mga sakop sa Caloocan Police Community Precinct 2 sa pagpangulo ni P/Capt. Herson Manegdeg si Jay-Ar Malano, silingan sa biktima.

Giangkon sa suspek ang krimen apan iyang gipanghimakak nga gilugos niya ang biktima ug matud pa niya , nga bag-o lang migawas gikan sa banyo ang ginang ug nagtapis ug tualya dihang iyang gisulod.

“Parang na-demonyo lang ako, may bumubulong kasi sa akin na tuluyan ko na kaya nagawa ko ang krimen,” pamahayag ni Malano sa kapolisan.

Usa ka saksi ang mipatim-aw ug miingon nga nakit-an niyanga adunay samad sa kamot ang suspek samtang mipalit kinig adhesive bandage sa duol nga tindahan human sa nahitabong kasaba sa balay sa biktima hinungdan sa pagkasikop sa suspek.

Dugang pa sa kapolisan nga lisud nga pagpangawat ang motibo sa insidente tungod kay walay nawala sa mga personal nga gamit ni De Villion. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy