Una sa Balita

Walay nakalusot sa P6.8B nga shabu sa Customs-Lapeña

By
0 99

Giklaro sa Bureau of Customs ang pamahayag sa Philppine Drug Enforcement Agency (PDEA) nga adunay nakalusot sa P6.8B nga kantidad sa shabu sa Bureau of Customs.

Sa pagdungog sa House dangerous drugs committee, giklaro ni Customs Commissioner Isidro Lapeña nga base sa gihimong laboratory examination nag negatibo sa shabu ang upat ka metallic container nga nakit-an sa General Mariano Alvarez, Cavite.

Matud ni Lapeña, walay basehan ang PDEA aron moingon nga nalutsan ang Customs sa shabu.

Pagpasabot ni Atty. Ruel Lasala, deputy director for operations sa PDEA, nga ang ilang mga K9 units ang nagproseso sa nakit-an nga P4.3-B nga kantidad sa shabu sa Manila International Port ug ang nakit-ang magnetic lifters sa lalawigan ng Cavite.

Milingkod ang ilang K9 units sa maong shipment maoy hinungdan nga gituhuan nila nga adunay drugas ang kargaminto.

Gibarogan ni Lasala nga ang tanang sirkumstansya nagpamita nga iligal nga drugas maoy sulod niini sama sa nasakmit sa Manila International Container Port (MICP).