Una sa Balita

Voters’ information sheet gipaimprinta sa lain: NPO manubag sa Comelec

0 228

Gipatubag sa Commission on Elections (Comelec) ang National Printing Office (NPO) kun tinuod ba nga gipa-subcontract niini sa usa ka pribadong kompanya ang pag-imprenta sa voters’ information sheet (VIS) alang sa bag-o lang nahuman nga piniliay.

Matud ni Commissioner Rowen Guanzon, kung tinuod kino manubag ang NPO tungod kay higpit kining gidili sa Commission on Audit (COA).

Giangkon ni Guanzon nga miulbo siya sa kasuko dihang iyang nasayran nga gipa-subcontarct sa NPO sa Holy Family Printing Press ang pag-imprenta sa VIS.

“‘Yung voter information sheet na in-award namin sa National Printing Office, dahil government to government, eh walang bidding tapos nalaman ko na ganyan, sagutin nila ako kung totoo… pina-subcontract ba nila sa Holy Family Printing Press ang voter information sheet namin?” dugang pamahayag sa opisyal.

Giingong daghang sayop ang giimprintan nga dokumento ug kinahanglan nga adunay manubag sa maong kasaypanan.

Matud niya nga klaro nga nakahimog krimen ang NPO kun ugaling tinuod nga gipaimprinta sa NPO ang VIS gawas.

“Dapat sinabihan kami, hindi niyo pala kayang mag-print niyan. Kaya nga sa inyo binigay kasi gobyerno kayo eh tapos ganyan,” pagpasabut ni Guanzon.

Samtang wala pay reaksyon ang kampo sa NPO sa maong kaso. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy