Una sa Balita

Upat ka tigpayuhot ug gidiling drugas nadakpan P.8M nga shabu nasakmit

By
0 21

Moabot sa kapin P.8 milyon nga kantidad sa shabu ang nasakmit sa mga sakop sa Northern Police District (NPD) sa upat ka mga tigpayohut ug drugas sa gihimong operasyon sa dakbayan sa Caloocan.

Sa taho ni NPD Dir. Chief Supt. Gregorio Lim nga gihimo mga alas-11:00 pasado sa gabi dihang nadakpan ang mga suspek nga silang Ronilo Saplad, 54-anyos, Ferdinand Andrada, 52-anyos, Gerardo Del Mundo, 51-anyos ug Ilona Gail Cristobal, 42-anyos nga mga residente sa Barangay 37 sa maong lungsod.

Usa ka buy-bust operation ang gihimo sa mga sakop sa District Drug Enforcement Unit sa usa ka panimalay sa Macabalo Street, Barangay 37 sa maong lungsud batok.

Gawas sa 1 gramo nga shabu nga nakuha sa buy-bust adunay 80 ka gramo nga shabu, 10 plastic sachet nga adubay 39 gramo ug napulo ka pakete nga anaa sa tulo ka gramo ang nakuha gikan kanila nga adunay kinatibuk-ang 119 gramo.

Daling gidala sa buhatan sa kapolisan ang mga suspek nga nag-atubang ug kasong kalapasan sa RA 9165 o Comprehensive Dangerous Drugs Act of 2002.