Una sa Balita

Trump nahawa sa kapalpakan ng DILG

By
0 315

Kahit na si US President Donald Trump, nagkamali rin sa spelling ng Philippines.

Sa tweet niya nitong Sabado ng hapon, sinulat niya na “Will be doing a joint press conference in Hanoi, Vietnam then heading for final destination of trip, the Phillipines.”

Habang sinusulat ang balitang ito kahapon, hindi pa niya binabago ang pagkakamali sa dobleng ‘I’ at kulang na ‘P’ sa kanyang post.

Ilang beses nang nagkakamali si Trump sa spelling tulad noong ­Enero kung saan kulang ng ‘H’ ang pangalan ni British Prime Minister Theresa May samantalang noong Mayo, nagkamot naman ng ulo ang marami kung ano ang ibig sabihin ng tweet niyang ‘covfefe.’
Naging usap-usapan naman sa social media ang pagkakamali ni Trump.

“Tayo nga hindi natin ma-spell ng tama ang pangalan ng sari­ling bansa, si Trump pa kaya?” komento ni television personality na si Lourd de Veyra.

Noong nakaraang linggo lamang, nabatikos ang Malacañang dahil sa maling spelling ng Philippines sa mga pinakalat na poster sa EDSA para sa ASEAN Summit.

Itinanggi ng Presidential Communications Operations Office (PCOO) na ang kanilang tanggapan ang nagkamali at itinuro ang Department of Interior and Local Government (DILG).

Ang Pilipinas ang hu­ling destinasyon ni Trump sa 12 araw na trip niya sa Asya na nagsimula sa Japan at sumunod ang South Korea, China at Vietnam.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy