Una sa Balita

Trillanes alang ni Duterte: Talawan ka!

By
0 142

Masuk-anong gipadayag ni Senador Antonio Trillanes IV nga talawan si Presidente Rodrigo Duterte.

Tungod kini sa tayming sa pagpagawas sa kamanduan sa Presidente sa pagbawe sa amnesty ngaguhatag kaniya sa Aquino administration.

Gimantala karong adlawa sa usa ka mantalaan ang proklamasyon ni Duterte nga nagbawi sa amnestisya samtang didto sa state visit ang Presidente sa Israel.

“Mr. Duterte, duwag ka. Inantay mo pang makaalis ka bago mo nilabas itong proclamation mo,” matud ni Trillanes.

Matud niini nga gilisud lisud siya sa Presidente apan wala kini mahadlok.

Matud pa niya nga moabot ang adlaw nga si Duterte na usab ug iyang mga sakop ang manubag.

“This is a clear case of political persecution, but I will not cower. There’s a time for reckoning for you and your minions,” gipasabot ni Trillanes.

Mihimog privilege speech usab kini aron kundenahon ang pagbawi sa amnestiya.

Gipakita ni Trillanes nga sa taliwala sa pakigpulong ang video clips ug news clippings kabahin sa pagsang-at niya og aplikasyon alang sa amestiya ug ang pag-angkon niya sa gihimong kasal-anan sa gihimong rebelyon batok sa Arroyo administration. (Jess Campos)