Thurman dadayo ng Pilipinas para sa rematch kay Pacquiao
NGUMANGAWA ng rematch si American Keith Thurman kay World Boxing Association (WBA) welterweight champion Manny ‘The Pacman’ Pacquiao.
“I’m ready for the rematch,” saad ni Thurman sa TMZ Sports at tila pinahiwatig na kuwestiyunable ang naging desisyon na split decision ng mga judge sa July 20 bout nila ni Pacquiao sa MGM Grand sa Las Vegas.
“I don’t really think he won the fight. I know it was hella close, sometimes it’s a coin toss. But a coin toss is sometimes 50-50 and you gotta pick heads or tails,” sambit nito na may dugtong na paghamon na pirmahan ng fighting senator ang kontrata para sa muling nilang bakbakan at kahit dito pa gawin sa Pilipinas ang rematch ay handa itong bumiyahe dito dahil mahal daw naman ito ng ilang mga Pilipino.
“I might have to go the Philippines and we’ll need to talk in person. I might have to do that. Apparently the Philippines loves me now,” sabi pa nito.
“I think it’s the best fight of the year. It wasn’t the Floyd Mayweather fight [with Pacquiao], it wasn’t the Adrien Broner fight [with Pacquiao], it was a real deal championship boxing match,” paniguro pa ni Thurman. (Aivan Episcope)