Una sa Balita

Thirdy bigay todo para sa PH Team

By
0 438

SI Thirdy Ravena ang sorpresang 12th man ni coach Yeng Guiao sa final lineup ng Team Pilipinas kontra Qatar.

Martes ng gabi ay kinumpirma ng Sama­hang Basketbol ng Pilipinas ang final 12 na isasabak sa unang laro sa final window ng 2019 FIBA World Cup Asian Qualifiers.

Si Ravena ang nag-iisang collegiate player na isinama ni Guiao sa pool.

Hindi makapaniwala­ ang nakababatang kapa­tid ni Kiefer Ravena­ na natupad na ang panga­rap niyang makapag­laro sa Team Pilipinas.

“It was all a dream,” post ng 22-anyos na si Thirdy sa Instagram. “4 years ago I was just a young kid watching my kuyas play in the FIBA 2015 World Championships on TV. Who knew that this would happen??? Thank you Lord.”

Nilagyan niya ang post ng #ParaSaBayan.

Si Ravena ang pu­malit sa slot ni Raymond Almazan na may mild ankle sprain.

Kukumpleto sa lineup sina naturalized Andray Blatche, June Mar Fajardo, Japeth Aguilar, Troy Rosario, Poy Erram, Gabe Norwood, Jayson Castro, Paul Lee, Mark Barroca, Marcio Lassiter at Scottie Thompson.

Alas-12:00 mamayang hatinggabi ang tipoff kontra Qatar sa Al-Gharafa Sports Club Multi-Purpose Hall sa Doha.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy