Una sa Balita

Tattoo artist, nadakpan sa buy-bust sa Marikina

By
0 176

Nasikop sa gipahigayong buy-bust operation sa Marikina City Police Station Drug Enforcement Unit (SDEU) ang usa ka tattoo artist human mibaligya ug illegal nga drugas sa poseur buyer nga pulis gabii sa Marikina City.

Giila ni PInsp. Greco Gonzales, chief sa SDEU ang suspek nga si Rex Ramos, 39-anyos ug molupyo sa 253 M. Roxas St., Barangay San Roque, Marikina City.

Subay sa report, mipahigayon ug buy bust operation ang mga sakop sa SDEU mga alas 10:00 kagabii sa Barangay San Roque diin nakigtransaksyon ang police poseur buyer sa suspek aron makapalit ug usa ka pakete nga shabu sa kantidad nga P500.

Diha diha gisikop ang suspek human mitunol sa gidiling drugas ug nasakmit ang dugang upat ka pakete nga shabu. Ang mga nasakmit nga ebidensya gidala sa EPD Crime Laboratory alang sa dugang pakisusi.

Gitanggong karon ang suspek sa Marikina detention cell ug nag-atubang sa kasong kalapasan sa Sec 11 at Sec 5 ng RA 9165 o Comprehensive Dangerous Drugs Act.