Una sa Balita

Talisay jail nirapido

By
0 59

Nirapido ng bala ng Armalite ng riding-in-tandem ang entrance gate ng Talisay City Jail sa Cebu.

Ayon kay Talisay City Jail chief Gil Enopia, may duda ito na ang pamamaril ay may kaugnayan sa ipi­natutupad nilang hakbang sa piitan gaya ng mahigpit na pag-iinspeksyon sa mga selda at paghihigpit na rin sa mga dalaw.

Napag-alaman na bigla na lamang dumating ang magkaangkas na lalaking kapwa naka-bonnet sa isang motorsiklo at huminto sa harapan ng piitan sa Barangay Maggahaway saka nagpaputok ng maraming beses bago tumakas.

Wala namang iniulat na nasawi o nasaktan sa insidente.

Iniimbestigahan na ng mga awtoridad ang insidente kasabay ng tinodo pang paghihigpit sa nasabing kulungan. 

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy