Una sa Balita

‘Super Typhoon’ Jebi miigo sa Japan

By
0 45

10 ang patay samtang gatusan ka pasahero ang na-stranded sa pag-igo sa typhoon ‘Jebi’ sa Japan niadttong Miyerkoles, Setyembre 5.

Ang super typhoon nga Jebi gituhuan nga maoy labing kusog nga bagyo nga miigo sa nasud sa Hapon human sa 25 ka tuig nga nagdala ug baha, flash flood, landslide resulta sa maong bagyo.

Halos 3,000 ka turista ang napugos nga mipalabay sa kagabhion sa Kansai Airport tungod sa pagbaha sa rehiyon ug paghunong ang pipila ka airport sa pagpalupad sa eroplano.

Dali usab nga miaksyon ang gobyerno sa Japan sa mga na-stranded nga pasahero sa Kobe Airport nga gibalhin ang mga gamit sa ubang mga dagkung bus ug speedboat.

Matud ni Chief Cabinet Secretary Yoshihide Suga, 300 ka tawo ang naangol ug sirado pa gihapon ang pipila ka dalan. Halos 1.2 milyon kapanimalay usab ang nawad-an ug suplay sa kuryente.