Una sa Balita

Sunog miigo sa Navotas, 700 ka pamilya nawagtangan ug panimalay

0 266

Nahimong abo ang gipuy-an sa gibanabana nga moabot sa 700 ka pamilya samtang duha ang naangol sa pag-ulbo sa sunog sa usa ka residential area sa Market 3, Barangay North Bay Boulevard (NBBN) sa Navotas City, Biyernes sa kadlawon.

Matud sa Navotas City Bureau of Fire Protection (BFP), 2 ka molupyo ang naangol ug gibanabana nga moabot sa 200 ka balay ang nasunog.

Unang gikataho ang sunog mga 2:27sa kadlawon ug miabot sa ika-2 alarma mga 2:37 sa kadlawon ug daling mikatap ang kayo hangtud gideklarar nga ika 5 alarma mga 2:48 sa buntag.

Alas-6:14 sa buntag hingpit nga napawog ang kayo.

Daling mikatap ang kayo light materials ang mga panimalay sa maong dapit, matud sa kabomberohan sa Navotas .

Ang mga residente nga nasunogan kasamtangang gipahimutang sa Barangay NBBN basketball court.

Nagpadayun pa ang gihimong imbestigasyon kun diin nagsugod ang sunog ug pila ang danyos sa mga kabtangan. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy