Una sa Balita

Speaker Gloria, wala mopakita sa PDP-Laban caucus

By
0 130

Wala mopakita si kanhi Presidente ug karon House Speaker Gloria Macapagal-Arroyo sa panagtigum sa mga opisyal sa Partido Demokratiko Pilipino–Lakas ng Bayan (PDP-Laban) kagahapon Huwebes (Agosto 2) sa Quezon City.

Pakyas si Arroyo nga makatambong sa high level caucus sa liderato sa partido ni Presidente Rodrigo Duterte nga gitambungan sa mga dagkung opisyales, lakip na si kanhi House Speaker Pantaleon Alvarez nga bag-o lang gipalagpot sa mga tigpaluyo ni Arroyo.

Unang hibalita nga kauban si Speaker Arroyo sa mga prominenteng miyembro sa PDP-Laban nga motambong sa maong leadership summit apan tungod sa pipila ka mga kausaban kagahapon (Huwebes) wala kini malatambong.

Matud sa source sa Abante, wala gidayon sa bag-ong lider sa Ubos Balay balaoranan sa pagtambong sa tigum kay naatol kini sa ika-50 anibersaryo sa kasal ni Arroyo ug sa iyang kapikas nga si kanhi first gentleman Jose Miguel “Mike” Arroyo.

Ang maong panagtigum gihimo sa Seda Vertis North Hotel ug gitambongan sa dili moubos sa 20 ka gobernador gikan sa nagkadaiyang lalawigan ug kapin sa 80 ka magbabalao gikan sa Kamara nga kadaghanan kaalyado nilang Arroyo ug Alvarez.

Lakip sa mga kauban ni Alvarez nga mitambong sa tigum silang kanhi Majority Floor Leader Rodolfo Fariñas (Ilocos Norte), Reps. Johhny Pimentel (Surigao del Sur), Arnel Ty (LPGMA Partylist), Monsour del Rosario (Makati City), ug Roger Mercado (Southern Leyte).