Una sa Balita

SONA ni Digong higit 30 minuto kung walang adlib

By
0 851

Magiging maiksi lamang ang laman ng State Of The Nation Address (SONA) ni Pangulong Rod­rigo Duterte sa Hulyo 24 sa Batasang Pambansa.

Ito ang inihayag ni Presidential Spokesman Harry Roque sa harap na ng ginagawang pagha­handa sa ikatlong SONA ng Presidente.

Ayon kay Roque, babasahin lamang ng Pa­ngulo ang kanyang SONA na hindi tatagal ng 35 minutos, ‘di tulad ng na­kalipas na dal awang SONA nito na inabot ng mahigit isang oras.

Kasabay nito ay ki­num­pirma ng kalihim na si Joyce Bernal ang kinuhang direktor para sa nasabing okasyon.

“Sinabi rin po ng Pre­sidente na babasahin po niya ang kaniyang SONA at ito po ay hindi tatagal ng 35 minutes. Si Binibi­ning Joyce Bernal po ang nakuha nating direktor para sa SONA,” ani Roque.

Bago ang SONA ng Pangulo ay may inilunsad na pre-SONA briefing ang mga economic cluster sa Philippine International Convention Center (PICC) kung saan ilalahad ang mga nagawa ng Duterte administration.

Hindi naman masabi ni Roque kung mag-a adlib ang Pangulo sa kanyang SONA dahil kilala ito sa tuloy-tuloy na pagsasalita sa kanyang mga talumpati kahit pa may nakahanda itong speech.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy