Una sa Balita

Sisi, Petron sisibakin si Daquis, Cignal HD

0 348

ma-byuting bakbakan!

Mga laro ngayon:
(Muntinlupa Sports Center)
4:15pm — F2 Logistics vs Foton
7:00pm — Petron vs Cignal

MISYON ng Petron Blaze Spikers na masilo ang titulo sa Philippine Superliga All-Filipino Conference kaya naman huhugot ng puwersa si coach Shaq Delos Santos kina Cherry Ann Rondina, Mika Reyes at Bernadeth Pons pagharap nila sa Cignal HD Spikers.

May bentaheng twice-to-beat, makikipaghatawan ang Blaze Spikers sa HD Spikers sa semifinals sa alas-siyete nang gabi sa Muntinlupa Sports Center.

Nasisiyahan si Delos Santos sa ipinapakitang tikas ng kanyang bataan, nagtala ng 12 straight wins para tapusin sa 13-1 karta sa prelimina-ries bago pinatalsik ang rookie team Marinerang Pilipina sa quarterfinals.

“I’m glad that our players are playing on top of their game, but this semifinals we have to be more eager,” saad ni Delos Santos. “We have to be more aggressive and sustain the level of our game for us to achieve our goal.”

Makakatuwang nina Rondina, Reyes at Pons sina Aiza Maizo-Pontillas, Rhea Dimaculangan at Denden Lazaro para tapatan ang tikas ng HD Spikers na ipinagmamalaki sina skipper Rachel Anne Daquis, Jovelyn Gonzaga at Filipino-American playmaker Alohi Robins-Hardy.

Pinagulong ng Cignal ang Generika-Ayala, 25-15, 17-25, 25-18, 25-22 sa quarters.

“We’re excited because even they swept us in the preliminary round, we still pushed them to their limits,” patungkol ni Cignal head coach Edgar Barroga sa Lifesavers. “This time, we’ll be more confident because we know that we got what it takes to beat them.”

Samantala, magkakaldagan sa isang pares ng semis ang F2 Logistics Cargo Mo-vers at Foton Tornadoes sa alas-4:15 nang hapon.

Tulad ng Petron, may twice-to-beat advantage din ang Cargo Movers. (Elech Dawa)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy