Una sa Balita

Shabu lab gironda sa San Juan

By
0 45

Usa ka shabu laboratory ang gironda sa San Juan Police human kini makadawat ug sumbong kabahin sa dili masingu nga baho sa kemikal kaganihang buntag sa North Greenhills Subdivision, San Juan.

Matud ni San Juan Police Chief PS/Supt. Dindo Reyes, gihimo nila ang raid mga alas-7:30 kaganihang buntag (adlaw nga Huwebes ) dala ang search warrant nga giisyu ni Judge Danilo Cruz sa Branch 152 sa Pasig City Regional Trial Court sa 5 Arthur Street, North Greenhills.

Dali nga nasulod sa kapolisan ang panimalay apan sa ilang pag-abot wala na kini tawo ug ilang nakita ang mga kagamitan sa paghimog shabu ug nagkadaiyang matang sa ekipo.

Matud ni Reyes, nga imbestigahon sa SOCO ang nasakmit nga droga nga giingong taas nga matang sa shabu , gidusi na karon kung sikinsa ang nanag-oya sa maong shabu laboratory ug si kinsa ang miabang sa maong panimalay.

Kahinumduman nga unang nasikop sa mga otoridad sa Pasig City ang usa ka Korean chemist nga si Kim Jeong Hi ug kauban niini nga si Marvin Yu, nga pulos nakuhaan ug moabot sa P4 milyon nga kantidad sa shabu ug mga gamit sa paghimo niini.