Una sa Balita

Sex trafficking sa ‘Pinas gihuptan sa mga Tsino – Hontiveros

0 192

Ipasusi sa Senado ni Senadora Risa Hontiveros ang pagsaka sa gidaghanon sa mga langyaw nga nahimong biktima sa sexual trafficking sa Pilipinas.

Kini subay sa pagsikop sa unom ka Vietnamese niadtong Septembre 6 sa usa ka condominium sa Makati nga pulos mga biktima sa sexual trafficking.

Nasayran nga ang prostitution den gipdagan sa duha ka babaye nga Tsino nga gii;lang sila si Kuang Meiting ug Li Xiumei.

Silang Kuang ug Li gitanggong karon sa headquarters sa National Capital Region Police Office ug nag-atubang sa kapalapas sa Republic Act 10364 o Anti-Trafficking in Persons Act.

Travel visas lang ang gihuptan sa mga naluwas nga mga Vietnamese ug mga departure tickets nga valid sa dili mo-expire ang maong mga visa.

Sa resolusyong gisang-at ni Hontiveros, matud niini nga ang mga kliyente sa prostitution den mga lalaking pulos Chinese nga nagtrabaho sa Philippine Offshore Gambling Operators.

Dugang pa sa senador, nga gigamit sa prostitusyon ang usa ka Chinese social media app diin kadaghanan sa mga trafficked women mga Vietnamese, Chinese, ug Malaysian.

Mahimong i-hire ang mga biktima sa kantidad nga P9,000 para sa “to-go” service. mahimo usab nga moabang ang mga kostumer sa condominium units sa kantidad nga P4,500 matag gabii.

Niadtong Agosto, nasikop sa kapolisan ang 34 ka babaye nga Tsino nga biktima usab sa human trafficking sa usa ka KTV sa Cebu.

Sa imbestigasyon sa National Bureau of Investigation, nasayran nga ang mga biktima nagtrabaho isip “high class prostitutes.” (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy