Una sa Balita

Sesame Street golden season na!

0 201

SINA Big Bird, Oscar the Grouch, Bert at Ernie, Cookie Monster, ­Grover, Guy ­Smiley, the Count at iba pang ­nakaka-aliw na mga puppet, maaring ang mga millennial, ‘di na sila kakilala. Mga laruan na lamang sila na mabibili sa mga mall na walang kahit na anong social at cultural significance.

Pero para sa mga kasali sa demographic na Generation X, hanggang ngayon, ang mga likhang puppet ni Jim Henson, ang mga katauhan na kasali rito at ang tanong sa ang awit na “Can you tell me how to get, how to get to Sesame Street” ay isang alang-ala na hindi madaling makalimutan.

1969 noong unang ipinalabas sa Estados Unidos ang Sesame Street at sa Pilipinas yata, mga early 70’s ito ipinalabas sa telebisyon.

Mahalaga ang Sesame Street para sa mga mga magulang na baby boomer at mga anak nilang Gen Xer’s dahil ito yata ang kauna-unahang educational show na ginamit ang mass ­medium na telebisyon upang mas maraming kabataan sa buong mundo ang ang makapagbasa (at makahiligan ito), ­matuto sa wastong ­pagbigkas ng mga salita, ipakilala ang alpabeto, ­makabilang at magkapakilala sa niche market nito ang tungkol sa iba’t ibang ­sining – biswal (maraming animation, hugis, kulay na ­ipinapikita sa programa), musika (kanta at mga rhyme), ­literature (mga ­natatanging kuwento, karanasan at mga pangyayaring ­ipinapaunawa sa mga bata), sayaw at iba pa.

Maliban dito, itinuro rin sa Sesame Street ang tungkol sa pagkakaiba dahil sa multi-racial cast nito at pagsasama ng mga tao at puppet, ang pag-respeto at pagtanggap sa mga iba’t ibang katayuan ng mga tao sa “who are the people in your neighborhood.”

Noong bata pa ang inyong kolumnista, ang pagsasalita at ­pagbigkas ng wikang Ingles, bago pa ako pumasok sa paaralan, sa nasabing programa ko natutuhan.

Isa sa pinaka-paborito kong laruan noong musmos pa ako, ang finger puppets na sina Big Bird, Bert at Ernie, Cookie Monster at Grover, pinag-uusap ko, dialogue kung dialogue at sa Ingles, huh!

Pinalawak din nito, ­hindi lamang sa akin, ­kundi tiyak sa marami pang kabataan, ang aming ­imahinasyon, malikhain, pagtatanong at pagiging mausisia. May mga ­societal isyu rin na inilahok sa programa na pinaunawa sa mga bata sa pamamaraang kanilang mauunawaan at maintindihan.

Noong hindi na ipinapalabas ang Sesame Street sa Pilipinas, “­Batibot” ang ipinalit rito at may mga bagong ­henerasyon ng kabataan na ­tiyak ­maraming hindi makakalimutang ala-ala partikular na kina Pong Pagong, Kiko ­Matsing at mga natatanging ­kuwento nina Kuya ­Bodjie at Ate Sheena.

Ngayong 50th ­season na trailblazing educational program, tiyak na marami pang kabataan ang mamumulat, hindi lamang ­tungkol sa pagbabasa, pagsusulat at pagbibilang, kundi pati na rin sa ­importansya ng sining sa ating mga buhay.

Walang kasiguraduhan kung may network or cable channel pa sa Pilipinas na itinatanghal ang Sesame Street pero tiyak ang mga aral at ang kantang ito, “Sunny Day,

Sweepin’ the clouds away, On my way to where the air is sweet, Can you tell me how to get?

How to get to Sesame Street,” habang buhay na nakaukit sa maraming puso.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy