Una sa Balita

Senado walay panahun sa Cha-cha

By
0 26

Dili makigdungan ang Senado sa gihimo sa Kamara sa tinguhang pag-usab sa Konstitusyon, nga giilang Charter change (Cha-cha).

Matud ni Senate President Tito Sotto nga walay panahon ang Senado alang sa Cha-cha tungod kay busy kini sa pagsusi sa nasudnong budget alang sa 2019.

Mahimo lang kini sa Senado kung sayong gipadala sa Kamara sa Senado ang maong budget.

“Wala kaming time para i-take up (ang Cha-cha). Sana inapura nila ang budget para pwede naming i-take up ‘yan,” matud ni Sotto.

Sa pagkakaron gihimo ang marathon session sa Senado tungod kay gipaningkamotan nga humanon ang gisugyot nga budget sa sunod tuig.

Niadtong ika duhang semana sa Nobyembre isaka na unta sa Senado ang budget apan nahatud kini sa katalusang semana.

Matud ni Senador Panfilo Lacson nga nadugay ang budget sa Kamara tungod kay gipasulod ang pork barrel alang sa mga kongresista.