Una sa Balita

SC nahuman na sa ilang recount alang sa protesta ni Marcos

0 208

Nahuman na sa Presidential Electoral Tribunal (PET) ang mano-mano nga pag-ihap sa mga balota sa tulo ka test provinces nga alang sa pagkuwestiyon ni kanhi Senador Ferdinand Marcos Jr. sa pagkapildi niya kang Vice President Leni Robredo sa piniliay niadtong 2016.

Subling giihap sa PET ang moabot sa 5,400 mga presinto sa Iloilo, Camarines Sur, ug Negros Oriental, matud ni Supreme Court public information chief Brian Keith Hosaka.

Dugang ni Hosaka, iduso nila ni member-in-charge Associate Justice Alfredo Benjamin Caguioa ang taho kabahin sa maong recount apan wala pay gihimong igong aksiyon ang tribunal kabahin niini.

Gipahimangnuan usab sa hepe ang mga nalambigit nga partido nga molikay sa bisan unsang public statement sa medya.

Nagtuo si Marcos nga adunay lapad nga pagpanikas sa nahitabong piniliay niadtong 2016 busa napildi siya ni Robredo nga moabot sa 260,000 ka boto.

Hugot kini nga gipanghimakak sa Bise Presidente. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy