Una sa Balita

Sakop sa robbery syndicate nasikop sa Angeles City

By
0 62

Gisikop sa kapolisan sa gihimong entrapment operation ang usa ka sakop sa robbery syndicate nga nakabiktima sa mga langyaw nga torista sa usa ka mall sa Angeles City, Pampanga niadtong Lunes sa gabii.

Giila ang suspek nga si Mario Maramag, 38, residente sa Phase II Barangay Pinagsama, Western Bicutan, Taguig City.

Gisikop ang suspek sa hiniusang puwersa sa Criminal Investigation and Detection Group (CIDG-RFU3) ug CIDG CFU 3, Angeles City sa usa ka operasyon sa SM City Clark.

Ang pagsikop sa suspek subay kini sa reklamo nga robbery extortion diin nangilkil kini ug P3 milyon bugti sa 16 ka passport nga gikawat niini sa iyang mga nabiktima nga pulos Chinese nationals.

Nasakmit gikan sa suspek ang .38 caliber revolver nga adunay unom ka bala, usa ka sachet sa shabu ug usa ka hand grenade.
Ang suspek miyembro sa Fernandez criminal syndicate nga nalambigit sa illegal drug trafficking ug robbery.