Una sa Balita

Rushton, Guerra, iba pa bubuo sa eSports Sibol

0 307

PINANGALANAN na ng namumunong Philippine Southeast Asian Games eSsports Union (PSEU) ang kabuuang 27-katao na bubuo sa komposisyon ng Team Sibol Pilipinas na sasagupa sa anim na game titles sa pagsasagawa sa unang pagkakataon bilang regular na medal event ng electronic sports o eSports sa 30th Southeast Asian Games.

Inihayag ni PSEU Office-in-charge Albin Juban, na namumuno sa pagbubuo at pagsaayos sa Team Sibol sa ilalim ng Philippine Olympic Committee, ang komposisyon ng pambansang koponan matapos ang mahabang diskusyon at pagdedebate sa inaasam nitong pinakamalakas na koponan sa anim na paglalabanan na game titles.

Bubuo sa DOTA 2 ang mga games na sina Marvin Salvador “Boomy” Rushton, James Erice “Erice” Guerra, Van Jerico “Van” Manalaysay, Jun “Bok” Kanehara, Bryle Jacob “CML” Alvizo, MC Nicholson “MC” Villanueva at John Anthony “Natsumi” Vargas.

Sasabak sa Mobile Legends: Bang Bang sina Angelo Kyle “Pheww” Arcangel, Karl Gabriel “Karltzy” Nepomuceno, Kenneth Jiane “Kenji” Villa, Carlito “Ribo” Ribo Jr., Jason Raphael “Jay” Torculas, Jeniel “Haze” Bata-anon,at Allan “Lusty” Castromayor Jr.

Irerepresenta naman sa labanan sa Tekken 7 nina Andreij Hosea “Doujin” Ablar at Alexandre Gabrielle “AK” Laverez habang ang Arena of Valer squad ay bubuuin nina Kevin Kio “Gambit” Dizon, Jeremiah “1717” Camarillo, Jevan Lorenzo “Betts” De Los Santos, Kyle Jepherson “Vindicated” Prolan, Miguel Klarenz “Miggie” Banaag, Lawrence Anthony “Rubikk” Gatmaitan at Bradie Ryan “Vats” Velasquez.

Ang StarCraft II Team ay bubuuin nina Caviar Napoleon “Enderr” Acampado at Derick Justin “Nuks” Santos habang ang Heartstone ay pagsasamahan nina Dustin “Waningmoon” Mangulabnan at Jacinta Patricia “Jia” Dee. (Lito Oredo)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy