Una sa Balita

Retiradong polis ug sundalo nga adunay STL, ok lang ni Duterte

By
0 203

Walay problema ni Presidente Rodrigo Duterte kung adunay prangkisa sa small town lottery (STL) ang mga retiradong police at military general basta masigurado lang nga mosunod kini sa balaod.

Kini ang giluwatang hamahayag sa presidente atol sa iyang pakigpulong sa ika-118th Police Service Anniversary sa Philippine National Police (PNP) sa Camp Crame niadtong Biyernes, Agosto 9.

Matud sa presidente nga dili siya mahiubos sa partisipasyon sa mga retired police ug military generals basta masigurado lang nga nasubay ang mga pamaagi alang sa pag-angkon ug prangkisa.

“Let me say this to you now. The allegations that police generals, retired, are into the STL, lotto and whatnot, I said: ‘You do not have a problem with me.’ If it’s a bidding, you participate as long it is not rigged in your favor and you secure it complying with the laws, I will not begrudge you,” matud sa presidente.

“If you have friends who are millionaires and would finance a corporation and you are a corporator, I do not see any reason why you should not be in that business. Ang hinihingi ko lang naman is walang gapangan,” dugang pamahayag sa presidente.

Kahinumduman nga gipasirad-an sa presidente ang operasyon sa lotto, STL, Keno ug Peryahan ng Bayan nga ubos sa pagdumala sa Philippine Charity Sweepstakes Office tungod kay gibinuangan ang kita ug daghan ang pagpangurakot kay sa maadto sa panudlanan sa kagamhanan.

Matud usab ni Senador Panfilo Lacson nga kadaghanan sa mga nakakuha og STL franchises mga police ug military generals nga wala nag-remit sa ilang kita sa PCSO.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy