Una sa Balita

RCBC mipasaka ug kasong defamation sa Bank of Bangladesh

0 225

Misang-at ug defamation suit batok sa Bank of Bangladesh ang Rizal Commercial Banking Corp. (RCBC).

Tubgod kay walay igong badihanan ang pasangil sa Bank of Bangladesh subay sa $81million cyberheist niadtong 2016.

Gisang-at ang civil complaint niadtong Marso 6 sa Regional Trial Court sa Makati City.

“It is public knowledge that Bangladesh Bank has embarked on a massive ploy and scheme to extort money from plaintiff RCBC by resorting to public defamation, harassment and threats geared towards destroying RCBC’s good name, reputation, and image, all with the intention of getting RCBC to pay Bangladesh Bank money that RCBC does not have in its custody or possession and which it does not owe to Bangladesh Bank,” matud sa reklamo sa bangko.

Ang gipasakaan ug kaso silang Abu Hena Mohammad Razee Hasan, Deputy Governor ug Head sa Bangladesh Bank Financial Intelligence Unit, ug sa uban pang miyembro sa Bangladesh Bank nga miabot sa nasud.

Nasayran nga niadtong milabay nga buwan misang-at ug kaso sa Bangladesh Bank ang RCBC sa U.S. District Court subay sa money laundering scandal.

Nagsugod ang isyu sa $81 million sa nakawat nga cyberhackers gikan sa Bank of Bangladesh ug gibalhin sa branch sa RCBC sa Jupiter St., Makati City.

Daling giwitdraw ang kuwarta ug gigamit sa mga casino sa Pilipinas.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy