Una sa Balita

Racasa pararangalan ng mga sportswriter

0 477

KABILANG sa tatanggap­ ng parangal­ sa SMC-PSA (Philippine Sportswriters Association) Annual Awards Night si chess player Antonella Berthe Racasa.

Pero bago magtungo sa Centennial Hall ng Manila Hotel sa ­Marso 6 para tanggapin ang Tony Siddayao Award, lalaro muna ang 12-anyos na woodpusher sa University of the Philippines-Alpha Phi Omega-Patinikan Invitational Chess Tournament sa Pebrero 24 sa UP Diliman Campus, Quezon City.

Nagkampeon sa nakaraang buwan lang ang grade 6 pupil sa VCIS – Home School Global sa 2020 National Age Group Chess Championships – Visayas Leg (Under 14 Girls) sa SM Seaside Cebu City.

Inihayag ni Racasa na gagawin niya ang lahat para makasilo ng panibagong korona bilang paghahanda rin sa World Youth Rapid at Blitz Chess Champion­ships sa Abril 12-16 sa Heraklion, Creta, Greece.

Ang ibang chess players na inimbitahang­ lumahok sa 1 day QC chessfest ay sina 13-time Philippine Open champion Grandmaster Rogelio ‘Joey’ Antonio, Jr., Woman GM Janelle Mae Frayna, Inernational Masters Hamed Nouri, Ronald Dableo, Roel Abelgas, Yves Ranola, Rolando Nolte, Chito Garma, Daniel Quizon, Michael Concio at Eric Labog, FMs Christopher Castellano, Leonardo Carlos at Randy Segarra, NM Nick Nisperos, US Master Jojo Aquino at Christopher Rodriguez. (Elech Dawa)

This website uses cookies to improve your experience. We'll assume you're ok with this, but you can opt-out if you wish. Accept Read More