Abante Online
Abante is the leading Tagalog-language tabloid paper in the country.

Quizon bigatin mga babanggain

0 86

SISIKAPIN ni IM Daniel Quizon na maipagpatuloy ang magandang performance paglahok nito sa Woman FIDE Master Sheerie Joy Lomibao-Beltran Open Rapid Chess Championship na tutulak sa Hulyo 10 sa Mandaluyong City.

Magsisimula ang opening program sa alas-8 ng umaga kasunod ang Round 1.

Ang 17-year-old na si Quizon ang isa sa markado sa nine-round Swiss system tournament dahil sariwa pa ito sa pagsilo ng korona sa 3rd Kamatyas FIDE rated rapid tournament na ginanap sa SM Sucat sa Paranaque City nitong Sabado.

Masisilayan din sa one-day event na suportado ni former Olympian Woman FIDE Master Sheerie Joy Lomibao-Beltran sina GM Rogelio “Joey” Antonio Jr., GM Darwin Laylo, IMs Jan Emmanuel Garcia, Michael Concio Jr., Angelo Young, Ricardo de Guzman, Chito Garma, Barlo Nadera at Cris Ramayrat at Woman International Master Kylene Joy Mordido.

Tutulak din ng piyesa sina FM David Elorta, FM Sander Severino, FM Roel Abelgas, FM Jose Efren Bagamasbad, FM Christopher Castellano, FM Adrian Ros Pacis at Woman FIDE Master Allaney Jia Doroy. (Elech Dawa)

Leave A Reply

Your email address will not be published.