Una sa Balita

Putol nga bitiis sa tawo, gilabay sa BIR

By
0 36

Gipangkuyawan ang mga molupyo dihang ilang nakit-an ang usa ka bitiis sa tawo nga gisulod sa itom nga plastic nga gilabay sa basurahan kilid sa buhatan sa Bureau of Internal Revenue (BIR) kagahapon sa Quezon City.

Sa report sa Criminal Investigation and Detection Unit (CIDU) sa Quezon City Police District (QCPD), mga alas-4:40 sa hapon (Agosto 2, 2018) dihang nakit-an ang putol nga bitiis sa basurahan kilid sa BIR national office sa Agham Road, Diliman sa maong siyudad.

Matud ni PO2 Julius Raz, imbestigador sa CIDU-QCPD, giingong usa ka basurero ang nangukay sa gilabay sa basurahan ug dihang iyang giablihan ang usa ka itom nga plastic bag ug maoy misugat sa iyang mga mata ang putol nga bitiis nga daghang dugo.

Sa kakuyaw sa basurero dali kining miadto sa barabgay hall sa maong dapit ug gipahibalo ang iyang nakit- an nga putol nga bitiis.

Dali usab nga mirespobde ang mga opisyal sa barangay ug gireport dayun kini sa kapolisan. ()