Una sa Balita

Pulse Asia: Kadaghanan sa mga Pinoy, misalig gihapon ni Duterte

By
0 81

Misaka ang approval ug trust rating ni Presidente Rodrigo Duterte niadtong Hunyo, subay kini sa survey nga gipagawad sa Pulse Asia karong Biyernes.

Nakakuha ug 88 porsiyento nga approval rating si Pangulong Duterte samtang 87 porsiyento usab sa trust rating.

Niadtong January 2018 survey sa Pulse Asia, nakatala ug 80 percent approval rating ang Presidente samtang ang iyang trust rating miabot ug 82 percent.

Niadtong June survey, tulo ka porsiyento lang ang wala mauyon sa 1,800 respondents nga gipangutana nationwide sa pagpangulo ni Presidente Duterte samtang 10 percent ang undecided.

Nagpabilin siya nga most approved government official, nga gisundan ni kanhi Senate President Aquilino Pimentel III sa 72 percent, Vice President Leni Robredo (62%), ug House Speaker Pantaleon Alvarez (47%).

Ang Presidente gihapon nagpabilin nga gisaligan sa mga opisyal ng gobyerno (87%), ug gisundan ni Pimentel (64%), Robredo (56%), Alvarez (45%), at dating Supreme Court Chief Justice Ma. Lourdes Sereno (19%).

Gihimo ang survey gikan Hunyo 15-21. ()