Una sa Balita

PSA: National ID dili compulsory, apan…

By
0 99

Bisan pa kun dili compulsory ang pagkuha sa national ID, mipahimangnu ang Philippine Statistics Authority (PSA) nga mahimong maglisud ang mga non-holders niini sa mga transaksyon sa gobyerno ug pribadong sektor.

Matud sa PSA, nga maoy implementing agency sa Philippine Identification System Act (PhilSys), mag-atubang ug “inconvenience” ang mga Pinoy nga dili mokuha niini tungod kay mahimong requirement sa mga transaksyon ang National ID aron maka-access sa benepisyo sa gobyerno.

Apan sa mga dili mokuha ug benepisyo mahimong dili mag-aplay sa National ID.

Giklaro usab niini ang kabalaka sa publiko nga dili hulga sa privacy ug data security ang National ID.

Matud sa PSA, protektado ang mga impormasyon kabahin sa National ID holders.

Ang PhilSys Act gipirmahan ni Presidente Rodrigo Duterte niadtong Lunes tumong niini nga usahon ang mga government-issued ID. ()