Una sa Balita

Presyo sa hamon misaka na

By
0 329

Gipadayag sa Department of Trade and Industry (DTI) ang pagtaas sa presyo sa mga hamon human gihatag ang hangyo sa mga manufacturer.

Matud ni DTI Secretary Ramon Lopez, misaka gikan sa duha hangtud sa 11 porsiyento ang presyo sa mga gipamaligya nga hamon depende sa timbang.

Rason sa mga manufacturer, nga grabe ang pagsaka sa presyo sa mga raw material ilabi na ang baboy sa merkado busa walay laing opsyon kundi ang pagpasaka sa presyo.

Ang 500 ka gramo sa hamon mapalit gikan sa P155 hangtud sa P189 ang kilo kun itandi sa P145-P169 niadtong 2018.

Ang usa ka kilo sa hamon mapalit usab sa kantidad nga P299-P1,025 gikan sa P270-P949 niadtong 2018 depende sa brand ug kalidad.

Walay nakita ang DTI nga misaka ang presyo sa ubang Noche Buena products.

Unang gipadayag ni Trade Undersecretary Ruth Castelo nga ilang ilansang ang presyo sa 134 ka Noche Buena product karong tuiga human makakuha og commitment gikan sa mga manufacturer.

Subling mipahimangnu ang DTI sa publiko sa dili pagpalit sa mga substandard nga mga Christmas lights nga walay mga Product Safety Standard ug Import Commodity Clearance stickers o markings

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy