Una sa Balita

Polis nadakpan sa pagpangawat ug motorsiklo

0 68

Nasikop sa iyang kaubang pokis ang usa ka polis nga nalambigit sa pagpangawat ug motorsiklo human tiuni ug armas ang biktima ug gikuha ang motor kaganihang kadlawon sa Mandaue City, Cebu

Giila ang suspek nga si PO2 Argel Abella Fuentes, nadistino sa Cebu City Police Station 2.

Subay sa report, midangop sa kapolisan ang nabiktima ni Fuentes human siya tiuni ug armas ug gikuha ang iyang Honda Wave nga motorsiklo mga ala-1:30 sa kadlawon sa Barangay Tipolo sa Mandaue City.

Daling mihimog follow-up operation ang mga polis sa Station 2 ug nakita mga gigamit ni Fuentes ang motorsiklo nga mitukma sa gihatag nga deskripsiyon sa biktima.

Daling mipadagan ang suspek apan na-trap sa iyang mga kaubang polis ug sa dihang gipangayoan kini ug rehistro kun siya ba gayud ang tag-iya niini wala kini napakita busa gisikop si Fuentes.

Kasamtangang mihimog imbestigasyon ang Cebu Police kung nalambigit ba si Fuentes sa mga kasong motorcycle robbery nga nahitabo sa Mandaue City. (Jess Campos)