Una sa Balita

PNP pabor nga dili na lugwayan ang Martial Law sa Mindanao

0 220

Suportado sa Philippine National Police (PNP) ang giingon ni Department of National Defense Secretary Delfin Lorenzana nga dili na niya irekomendar ang laing extension sa Martial Law sa Mindanao.

Matud ni PNP spokesperson Police Brig. Gen. Bernard Banac, tungod sa padayung maayong kahimtang sa dakung bahin sa rehiyon, nakita nila nga mahimo nang tangtangon ang gipatumang Batas Militar.

Matud pa sa opisyal nga ilang gipaabot ang bulan sa Disyembre aron maduso nila ang ilang rekomendasyon.

Sa pagkakaron, dugang pa ni Banac nga mius-us na ang kriminalidad sa lugar, bisan gani pagkatap sa loose firearms kontrolado na sa mga awtoridad.

Subay niini giangkon ni Banac nga adunay mga area pagihapon nga giisip nilang alert level sama sa Sulu.

Kini tungod sa presensya sa mga lawless element sama sa Abu Sayyaf ug Bangsamoro Islamic Freedom Fighters.

Kahinumduman nga unang gibutyag ni Lorenzana nga sa iyang pagtan-aw dili na kinahanglan nga lugwayan pa ang Martial Law sa Mindanao tungod kay dugay na kining gipatuman.

Alang kaniya nga kaya na sa kapolisan ug militar ngahimoun ang ilang trabaho nga seguradohun ang kahapsay ug kalinaw sa rehiyon kung mapasar ang Human Security Act. (jess campos)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy