Una sa Balita

PNP Official gibirahan sa riding-in-tandem

By
0 331

Gipusil hangtud nga namatay ang usa ka opisyal sa Quezon City Police District (QCPD) samtang nagsakay sa iyang Avanza Toyota, nga gimaneho sa iyang misis kagabii sa Quezon City.

Giila ni P/Chief Insp. Elmer Monsalve, hepe sa QCPD-Criminal Investigation and Detection Unit (CIDU), ang biktima nga si P/Insp. Romeo Nicolas Tandas, 49, nadistino sa District Tactical Operation Unit.

Nadala pa sa Diliman Hospital si Tandas apan gideklarar siya dead-on-arrival sa attending physician nga si Dr. Gretchen Panganiban, tungod sa iyang naangkong igo sa bala sa nagkadaiyang bahin sa iyang lawas, suwerte ng luwas ang iyang misis nga si Marissa.

Giingong gikuha ang maong opisyal sa Camp Karingal sa iyang misis nga si Marissa Opiniado ug samtang nagsakay kini sa ilang sakyanan nga nagdala sa plate number nga (UF 5745) ug nagsubay sa University Lane sa Brgy. UP Diliman ug kalit lang misulpot ang riding in tandem nga nagsakay sa itom nga motorsiklo sa tuong bahin atubangan sa iyang sakyanan ug kalit nga paulanan silag bala.

Higpit nga gisusi ni QCPD Director, P/Chief Supt Joselito Esquivel Jr., ang nahitabo nga pagpamanhig ug gituhuan nga aduna kini kalambigitan sa trabaho ng biktima.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy