Una sa Balita

PNP: Kapin 200K nadakpan, P40B ang nasakmit nga drugas sa 3 ka tuig nga war on drugs

0 344

Jess Campos

Moabot sa 220,728 ka tawo ang nasikop sa gihimong 151,601 anti-illegal drug operations sukad sa Hulyo 1, 2016 hangtud sa Nobyembre 30, 2019.

Matud kini sa datos sa Philippine National Police (PNP) sulod sa tulo ka tuig nga gipatumang gubat batok sa droga sa PNP sa pagpakig-alayon sa Philippine Drug Enforcement Agency (PDEA), diin kadaghanan niini nasikop anaa sa listahan sa high-value target.

Moabot sa 8,185 high-value target ang nasikop samtang anaa sa 2,290 ang nasikop nga anaa sa listahan ni Presidente Rodrigo Duterte.

Moabot sa 5,582 ang gidaghanon sa mga namatay sa drug war, matud sa PNP.

Aduna pay 186 ka drug ring sa nasud nga ilang gimonitor, nga nalakip usab sa listahan sa Presidente ug anaa sa 12,000 ang high-value drug target nga gilangkoban sa pipila ka government official.

Nalakip usab sa report nga 42,025 ka barangay nga ang giingong “drug-free,” samtang adunay 17,175 ka nga kinahanglan nga susihon.

Moabot udab sa 433 ka drug den ug laboratoryo ang na-raid sulod sa tulo ka tuig nga drug operations diin P40.39 bilyon ang na sakmit

Kini tungod sa higpit nga mandu ni Duterte nga hutdon ang mga illegal drug, ilabi na ang mga netting trader ug user sa shabu.

Abante – Wendys Inhouse Ad

This website uses cookies to improve your experience. We'll assume you're ok with this, but you can opt-out if you wish. Accept Read More