Planta ng JG Summit petrochemical nasunog

Nagliyab ang planta ng JG Summit Petrochemicals Group, ng mga Gokongwei, sa Batangas City.

Pinabatid ng pulisya sa Batangas City Fire Station ang sunog sa Brgy. Simlong na nagsimula bandang alas-10:00 ng gabi, Setyembre 26.

Ayon sa hepe ng pulis Batangas na si Col. Rex Malimban, may isang tao na nasugatan sa insidente.

Umabot aniya sa fourth alarm ang nasabing sunog, na ayon naman sa Batangas Filipino Chinese Volunteer Fire Brigade ay dineklarang fire out alas-11:55 ng gabi. Inaalaman na ang dahilan ng pagsiklab ng apoy at pinsala na dinulot nito. (SDC)