Una sa Balita

PhilHealth scam whistleblower pasok sa WPP

0 238

Tinanggap na sa Witness Protection Program (WPP) ng Department of Justice (DOJ) ang dalawang whistleblower sa kontrobersiyal na “ghost dialysis” claim sa Philippine Health Insurance Corporation (PhilHealth) ng WellMed Dialysis Corporation sa Quezon City.

Ayon kay Justice Secretary Menardo Guevarra na pasok na sa WPP sina Edwin Roberto at Aileen Liezl de Leon.

Gayunman, sinabi ni Guevarra na provisional cove­rage lamang ang WPP ng dalawa o 90 araw lamang ang ipinagkaloob sa kanila habang hinihintay pa ang resulta ng imbestigasyon sa iba pang kinasuhan.

Sina Roberto at De Leon kasi ay kasamang kinasuhan ni Bryan Sy, isa sa may -ari ng WellMed, ng kasong complex crime of estafa through falsification of public document ng DOJ sa Quezon City Regional Trial Court.

Habang isinasailalim pa sa preliminary investigation ng DOJ ang walong executive ng WellMed. (Juliet de Loza-Cudia)

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy