Una sa Balita

Petisyon sa TRO ni Trillanes hayan tukion ugma sa SC

By
0 40

Wala pay gipagawas nga temporary restraining order ang Korte Suprema subay sa petisyon ni Senador Antonio Trillanes nga mikuwestiyon sa legalidad sa Proclamation Number 572 nga nagdeklarar nga ‘void ab initio (void from the beginning)’ ang gihatag nga amnestiya.

Si Associate Justice Diosdado Peralta ang gitudlong justice-in-charge sa kaso human sa gihimong special raffle niadtong Biyernes, Setyembre 7.

Posiblenga makalendaryo o malakip sa tukion sa regular Supreme Court en banc session karon Septembre 11, ang petisyon ni Trillanes.

Sa iyang petisyon, giklaro ni Trillanes nga unconstitutional ang Proclamation No. 572 tungod kay nalapas niini ang ‘shared power’ sa Presidente ug Kongreso.

Giingong klaro usab nga usa ka political harassment ang tinguha proklamasyon, ug nahasupak ang katungod ni Trillanes sa due process ug equal protection nga gihatag sa Konstitusyon.