Una sa Balita

Patay sa Bagyong Tisoy misaka sa 13 ka tawo

By
0 272

Moabot na sa 13 ka tawo ang namatay duha ang gikataho nga nawala sa pagkuso-kuso sa Bagyong Tisoy sa nasud.

Huwebes sa buntag migawas na nasud si “Tisoy.”

Subay sa report gikan sa Bicol Regional Police, upat ang gikataho nga namatay sa ilang dapit.

Duha naggikan sa Sorsogon — usa ang namatay sa pagkalumos samtang ang usa namatay sa evacuation center.

Laing duha gikan sa mga lungsud sa Goa ug Pili sa Camarines Sur namatay usab human nalumos.

Unang gikataho ang pagkamatay ni Marco Paolo Ursua human kini makuryentehan sa dihang aduna kini giaayo sa ilang atop sa balay.

Lima usab ang namatay sa Oriental Mindoro samtang duha sa Marinduque, matud sa Mimaropa Regional Police.

Namatay kini human matumbahi sa punoan sa kahoy samtang ang uban ng namatay kay giatake sa sakit sa kasing-kasing.

Usa usab ka molupyo sa Ormoc City ang natumbahan sa kahoy.

Samtang, mipahigayun og search and retrieval operations sa 15-anyos nga si Lorence Lagula nga gikataho nga nalumos sa lungsud sa Divilacan sa Isabela ug 27-anyos nga si Dioluo Agam, nga naanod sa kusog nga baha dihang mitabok sa usa ka taytayan sa Capiz.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy