Una sa Balita

Pasay Piskal itinapon sa Mindanao

Sangkot sa NAIA gold smuggling

By
0 1,140

INILIPAT sa Min­danao ang isang prose­cutor ng Pasay City na nasangkot sa gold at je­welry smuggling sa Ninoy Aquino International Airport (NAIA) Terminal 3.

Kasabay ng paglipat kay OIC ­Pasay City Pro­secutor Benjamin Lanto sa Mindanao, itinalaga naman ni Justice Secretary Menardo Guevarra na kapalit nito sa puwesto si OIC Prosecutor Dolores Rillera.

Kabilang si Lanto sa tatlong pro­secutor ng Pasay City na pinatawan ng 60-araw na preventive suspension dahil sa “gross neglect of duty, gross incompetence and inefficiency” kaugnay sa insidente ng smuggling sa NAIA Terminal 3 noong Mayo 2018.

Ito’y matapos na ipag-utos ng tatlong prosecutor na palayain ang mag-asawang sina Abraham Mimbalawag at Bang-sa Mimbalawag na nahuli sa tangkang gold at jewelry smuggling gayundin ang NAIA customs ope­rations officer na si Lomontod Macabando na hinihinalang sangkot din sa pagpupuslit, kahit may ebidensiya laban sa mga ito.