Una sa Balita

Pantawid pasada sa LTFRB nagsugod na

By
0 46

Gipalihok na sa Land Transportation Franchising and Regulatory Board (LTFRB) ug uban pang ahensiya ang Synchronized Nationwide Distribution ng Pantawid Pasada Fuel Card kagahapon sa buntag nga gihimo sa ilang Central Office Building, East Avenue Quezon City.

Sa interview ni LTFRB Chairman Martin Delgra, target nila nga maapod-apod ang kapin sa 179,000 fuel card hangtud sa bulan sa Septembre, diin ang 1,192 niini gitagana alang sa National Capital Region (NCR) sugod pa niadtong Hulyo.

Subay niini gibutyag ni Nida Quibic, hepe sa information systems management division sa LTFRB, adunay natala silang 22 ka drivers, operators nga milapas sa Pantawid Pasada Program, human gi-withdraw ang kuwarta ug gigamit sa ilang mga personal nga panginahanglan inay gamiton sa pagpagasolina.

Tungod niini matud ni Quibic, ang mga nabuking nga mga driver/operator gibutang nila sa ‘blacklisted’ ug dili na kini hatagan ug ‘fuel card’.

Subling gipahimangnuan sa mga opisyal sa LTFRB ug sa Landbank of the Philippines ang mga driver/operator nga ang madawat nilang P5,000 cash card gamiton lang sa gas ug dili mahimong i-withdraw sa ATMs.