Una sa Balita

Pangilinan sa Malacañang: hununga ninyo ang pasangil nga ang LP nagpaluyo sa ‘destab’

By
0 276

Giklaro ni Senador Kiko Pangilinan sa Malacanang nga hunungon na ang pasangil nga nalambigit ang Liberal Party (LP) sa destabilisation plot.

Gipasabot niini nga mismo ang Pangulo sa Armed Forces of the Philippines (AFP) ang nagdeklara nga walay labot ang LP sa destabilisation plot nga giingong gitinguha sa Communist Party of the Philippines – New People’s Army (CPP-NPA).

Sa pagpangutana ni Pangilinan sa taliwala sa budget hearing sa Senado, matud ni AFP Chief of Staff General Carlito Galvez nga gusto sa CPP-NPA nga adunay panag-alyansa sa LP, sa mga militanteng grupo, mga estudyante ug mga kanhi destabiliser aron pukanon si Pangulong Rodrigo Duterte.

Pero giklaro nga ‘desire’ lang kini sa CPP-NPA ug walay aktuwal nga panag-alyansa.

Miingon si Pangilinan nga angayang paminawon sa Malacañang tungod kay wala mag-imbento si Galvez.

“General Galvez is a professional officer and soldier who I believe will not taint his career with lies. For me, his clarification settles matters,” pagpasabot niya.

Bisan paman sa pagklaro ni Galvez, miingon usab si Presidential Spokesman Harry Roque nga adunay mga sakop sa LP nga nakigkunsabo batok sa Presidente.

“Mas paniniwalaan ko si Gen. Galvez dahil wala itong track record ng pagkalat ng gawa-gawang istorya,” pamhayag pa ni Pangilinan.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy