Una sa Balita

Pangako ni Duterte: Walang dayaan sa 2019 election

By
0 847

MAKAKAASA ang publiko ng isang malinis na eleksiyon sa susunod na taon.

Ito ang tiniyak ni Pangulong Rodrigo Duterte sa kanyang pagdalo sa pagtitipon at mass oath-taking ng mga miyembro ng regional political party Hugpong ng Pagbabago­ na ginanap sa SMX Convention Center sa Davao City nitong B­iyernes.

Sinabi ng Pangulo na hihilingin niya sa Commission on Elections (Comelec) na personal siyang i-deputize at kanyang ipapatupad ang ‘Alunan doctrine’ na naglilimita sa bilang ng armadong bodyguard ng isang politiko.

Abante Hiring – IT dep

“In this election, I commit to the Filipino people that this will be a clean election,” ayon sa Pangulo.

Ang ‘Alunan doctrine’ ay galing kay da­ting Department of the Interior and Local Go­vernment (DILG) Secretary Rafael Alunan na ipinatupad ang ‘Oplan Paglalansag’ laban sa mga private army at tinugis ang mga loose firearm sa buong bansa.

Sa ilalim ng nasabing doktrina, itinu­ring na isang private army ang isang grupo ng mga armado at kinakailangang lansagin at disarmahan ang mga ito.

“Sabihin ko sa Co­melec i-deputize personally ako. There will be voting and the votes will be counted correctly. And in the next few months, I will impose the Alunan doctrine. You cannot bring long firearms during election time,” ayon sa Pangulo.

“Maski saan, ma-Jolo o ma-Abra, ‘pag may narinig ako na terro­rism, ako mismo ang pupunta and I will enforce the law. And if I have to do it, bahala kayo. Ginusto ninyo ‘yan. Eh — basta sabi ko walang terorismo’t walang — walang makadala ng baril except maybe the police,” sabi pa ni Pa­ngulong Duterte.

Kasabay nito, nagbabala rin ang Pa­ngulo sa mga rebeldeng komunista na huwag makikialam sa halalan.