Una sa Balita

Palpak ang Intel sa BOC- Palasyo

By
0 188

Kuwang ug hinay ang intelligence gathering sa Bureau of Customs (BOC) busa nakasulod sa nasud ang usa ka toneladang shabu.

Matud ni Presidential Spokesman Harry Roque nga angayang adunay higpit nga koordinasyon ang BOC ug Philippine Drug Enforcement Agency (PDEA) aron dili makasulod ang illigal nga drugas.

Nahibulong ang kalihim kay wala man ma detect sa x-ray machine ang shabu nga gibutang sa magnetic lifter.

“Ako po ay nagtataka naman dahil si Commissioner Lapeña ay nanggaling din sa hanay ng PDEA. So sana ang intel gathering nila ay mas matindi at saka mas nagse-share ng information ng sa ganitong paraan ay maiwasan ang pagpasok ng droga sa loob ng mga cargo na hindi nade-detect ng x-ray,” matud ni Roque.

Apan bisan paman niini matud sa kalihim nga naabot ni Presidente Duterte ang kabahin nasulod nga usa ka toneladang shabu, apan daku gihapon ang pagsalig niini kang Customs Commussioner Isidro Lapeña.

“Ang Presidente po buo naman ang tiwala kay Customs Commissioner Lapeña,” dugang pa ni Roque.

Matud sa kalihim nga kinahanglan ma-backtrack ug sutaun kun diin gayud gikan ang shipment nga shabu aron sa sunod ma-ref flag ang mga shipment nga kadudahan.